Ásgarður - Íslensk skólaráðgjöf
Blog Layout
LÆRVEST - Fær styrk frá Sprotasjóði
noreply • 19. maí 2021
LÆR-VEST - Faglegt lærdómsamfélag skólastjórnenda, kennara og nemenda um leiðbeinandi nám í Patreksskóla, Tálknafjarðarskóla, Reykhólaskóla, Grunnskólanum á Hólmavík, Bíldudalsskóla og Grunnskólanum í Bolungarvík en verkefnið hlaut einn af stærstu styrkjum ársins við úthlutun Sprotasjóðs menntamálaráðuneytisins á dögunum.
LÆR-VEST
er
faglegt lærdómsamfélag
skólastjórnenda, kennara og nemenda um leiðbeinandi nám í sex grunnskólum á Vestfjörðum þar sem kennarar og nemendur vinna saman að því að tengja nám betur áhugasviði nemenda, auka eignarhald þeirra og færa námið nær leiðbeinandi kennsluháttum sem standast gæðaviðmið skólanna um nám og kennslu. Allir þátttökuskólarnir hafa sett sér gæðaviðmið um nám og kennslu sem til einföldunar kristallast í skilgreiningunni um “Leiðbeinandi kennsluhætti” sem er eftirfarandi, samkvæmt skilgreiningu matsmannanna Birnu Sigurjónsdóttur, Bjarkar Ólafsdóttur og Þóru Bjarkar Jónsdóttur (Gátlisti fyrir matsmenn fyrir ytra mat í grunnskólum, 2011).
Leiðbeinandi kennslustund; Kennarinn stýrir framvindu kennslustunda en leggur áherslu á krefjandi spurningar og lausnaleit sem reynir á rökhugsun nemenda Áhersla er á námsferlið sem leið til náms frekar en námsefnið einvörðungu. Nemandinn er í forgrunni og hann er virkur í að athuga, rannsaka og draga ályktanir. Áhugi nemenda og forvitni er driffjöður námsathafna. Kennarinn skapar námsaðstæður og tækifæri nemenda til þátttöku, hann sér um að bjargir séu til staðar og veitir endurgjöf meðan á námi stendur.
Verkefnið gengur út á að koma auga á verkefni innan skólanna sem hópurinn er sammála um að falli að gæðaviðmiðum skólanna og skilgreiningunni um leiðbeinandi kennslustund eða sé mikilvægur liður í þeirri þróun að fjölga leiðbeinandi kennslustundum. Á reglulegum samstarfsfundum munu kennarar og nemendur koma fram og kynna fyrir hvort öðru í LÆR-VEST hvernig verkefnið fór fram og hvernig gekk. Kennarar munu síðan hittast og deila kennsluáætlunum, reynslu og göngum til þess að þeir geti nýtt verkefni annarra í sínum skólum. Á sameiginlegri heimasíðu LÆR-VEST verður gögnunum og kynningunum safnað saman fyrir aðra að nýta sér.
Fyrsti fundur skólastjórnenda var haldinn í gær á skjánum en skólastjórnendur lögðu drög að starfsáætlun skólastjórnenda fyrir veturinn. Í næstu viku verður fyrsti fundur kennaranna. Við erum spennt og stolt að fá það mikilvæga hlutverk að draga þræðina saman og sjá til þess að áætlanir verði að veruleika.
Á myndinni eru Ásdís Snót skólastjóri Patreksskóla, Birna Hannesdóttir skólastjóri Tálknafjarðarskóla, Halldóra Dagný Sveinbjörnsdóttir skólastjóri Grunnskóla Bolungarvíkur, Anna Björg Ingadóttir skólastjóri Reykhólaskóla, Hrafnhildur Guðbjörnsdóttir skólastjóri Grunnskóla Hólmavíkur og í horninu er Kristrún Lind Birgisdóttir ráðgjafi.
Kristrún Lind Birgisdóttir ráðgjafi
Leiðbeinandi kennslustund; Kennarinn stýrir framvindu kennslustunda en leggur áherslu á krefjandi spurningar og lausnaleit sem reynir á rökhugsun nemenda Áhersla er á námsferlið sem leið til náms frekar en námsefnið einvörðungu. Nemandinn er í forgrunni og hann er virkur í að athuga, rannsaka og draga ályktanir. Áhugi nemenda og forvitni er driffjöður námsathafna. Kennarinn skapar námsaðstæður og tækifæri nemenda til þátttöku, hann sér um að bjargir séu til staðar og veitir endurgjöf meðan á námi stendur.
Verkefnið gengur út á að koma auga á verkefni innan skólanna sem hópurinn er sammála um að falli að gæðaviðmiðum skólanna og skilgreiningunni um leiðbeinandi kennslustund eða sé mikilvægur liður í þeirri þróun að fjölga leiðbeinandi kennslustundum. Á reglulegum samstarfsfundum munu kennarar og nemendur koma fram og kynna fyrir hvort öðru í LÆR-VEST hvernig verkefnið fór fram og hvernig gekk. Kennarar munu síðan hittast og deila kennsluáætlunum, reynslu og göngum til þess að þeir geti nýtt verkefni annarra í sínum skólum. Á sameiginlegri heimasíðu LÆR-VEST verður gögnunum og kynningunum safnað saman fyrir aðra að nýta sér.
Fyrsti fundur skólastjórnenda var haldinn í gær á skjánum en skólastjórnendur lögðu drög að starfsáætlun skólastjórnenda fyrir veturinn. Í næstu viku verður fyrsti fundur kennaranna. Við erum spennt og stolt að fá það mikilvæga hlutverk að draga þræðina saman og sjá til þess að áætlanir verði að veruleika.
Á myndinni eru Ásdís Snót skólastjóri Patreksskóla, Birna Hannesdóttir skólastjóri Tálknafjarðarskóla, Halldóra Dagný Sveinbjörnsdóttir skólastjóri Grunnskóla Bolungarvíkur, Anna Björg Ingadóttir skólastjóri Reykhólaskóla, Hrafnhildur Guðbjörnsdóttir skólastjóri Grunnskóla Hólmavíkur og í horninu er Kristrún Lind Birgisdóttir ráðgjafi.
Kristrún Lind Birgisdóttir ráðgjafi
Á undanförnum árum höfum við hjá Ásgarð skólaráðgjöf unnið að því að skapa vettvang fyrir faglega umræðu um menntamál með því að gefa út Hlaðvarp Ásgarðs um menntamál. Hingað til höfum við gefið út 19 þætti, þar sem megin þemað hefur verið gæðamál. Þættirnir eru því oft og sérstaklega nýjustu sex þættirnir byggðir á viðmiðum um gæðastarf og eru hannaðir til að styðja kennara, skólastjórnendur og aðra sem starfa í menntakerfinu við að þróa og bæta skólastarf. Í þáttunum ræðum við við gesti og ráðgjafa Ásgarðs, sem veita innsýn í lykilhugtök og aðferðir sem styðja við markvissa og árangursríka skólaþróun. Við höfum lagt ríka áherslu á að tengja umræðuna við praktískar lausnir og reynslu úr vettvangi skólastarfs, þannig að hlustendur geti nýtt sér þekkinguna í eigin starfi. Hlaðvarpsþættirnir fjalla meðal annars um: Viðmið um gæðastarf - hvað einkennir góðan skóla og hvernig getum við unnið markvisst að umbótum? Nemendamiðað nám – aðferðir sem styrkja þátttöku og ábyrgð nemenda á eigin námi. Leiðsagnarmat og námsmat – hvernig við metum nám og framfarir á árangursríkan hátt. Faglegt lærdómssamfélag – hvernig kennarar og starfsfólk geta unnið saman að betri menntun og auknum gæðum í leik- námi og kennslu. Hagnýtar lausnir í skólastarfi – leiðir til að innleiða nýjar aðferðir í skólastarfi með áherslu á að deila reynslu og áætlunum sem nýtast í starfi. Hlaðvarpið hefur verið frábær leið til að miðla þekkingu og viðbrögðin hafa verið góð! Markmið okkar er að halda áfram að efla þessa umræðu og bjóða hlustendum upp á dýrmæt sjónarhorn og hagnýt ráð. 📢 Fylgstu með nýjustu þáttunum hér , allt telur þetta sem endurmenntun í starfi!
Landshlutaflakkið heldur áfram, en viðfangsefni grunnskólanna eru þau sömu um allt land. Í síðustu viku ræddum við tækifæri í Fjallabyggð til að sameina endurskoðun á viðmiðum aðalnámskrár, og í þessari viku var röðin komin að Bolungarvík. Báðir skólarnir hafa lengi unnið með námsvísa sem leiðarljós í skipulagningu kennslu. Við ræddum ýtarlega möguleikana á að sameina þessa vinnu – að innleiða ný hæfniviðmið og endurskoða skólanámskrárgerðina samhliða, með sérstaka áherslu á gæðanámsmat. Virkilega spennandi! Góð skólanámskrá þarf að vera vel ígrunduð og skiljanleg öllum sem koma að skólastarfinu. Námsumsjónarkerfi þurfa að styðja við ferlið, og hverjum þræði skólanámskrárinnar þarf að fylgja eftir. Það er því upplagt að slá tvær flugur í einu höggi. Þetta er þó alls ekki einfalt – mikilvægt er að taka skynsamlegar ákvarðanir í upphafi og gefa sér nægan tíma til að innleiða breytingarnar vandlega. Það eru margar leiðir til að hefja og vinna innleiðingarferlið. Gæðaráð undir forystu skólastjórnenda ásamt markvissu samráði eru lykillinn að góðum árangri. Hér má sjá mynd sem var teiknuð í Bolungarvík á þriðjudaginn – fyrstu tilraun til að kortleggja þá vinnu sem framundan er við að betrumbæta skólanámskrána og byggja á traustum grunni þeirrar reynslu sem þegar hefur skapast. Öllum er velkomið að nýta sér myndina og lesa úr henni! 😊
Í Naustaskóla er kennarateymi sem kennir 4. og 5. bekk. Teymið, þær Sunna, Þórey, Hrönn og Kristín hófu í haust að vinna eftir skipulagi um daglega ritun sem unnið er upp úr Ritunarramma Miðstöð menntunar og þjónustu (óbirt drög, 2024). Innra mats teymi Naustaskóla hafði komist að þeirri niðurstöðu að mikilvægt væri að skoða hvernig hægt væri að styðja kennara betur í að fóta sig í þeim kröfum sem birtast í ritunarrammanum og tryggja að nemenedur myndu fást við þær áskoranir sem þar birtast. Kennarateymið í 4. og 5. bekk buðu sig fram við að prófa að vinna með ritunarverkefnin og hafa gert svo frá skólabyrjun í haust. Ritunarverkefnin eru hluti af daglegu starfi, þó að eitthvað hafi þurft að aðlaga þau. Þær hafa þó unnið nánast öll verkefnin samkvæmt áætlun. Í ársskipulagi ritunar, sem fylgir kröfum ritunarrammans, er lögð áhersla á fjölbreytni og unnið með ólíkar tegundir texta, svo sem sögugerð, fræðitexta og rökfærslutexta. Nemendur semja ljóð, taka viðtöl, vinna með yndislestur í gegnum bókaklúbb og margt fleira. „Mánudagsritun“ er fastur liður og hefur leitt til augljósra framfara hjá öllum nemendum, allt frá greinilegum til mikilla framfara. Nemendur eru stoltir af verkefnum sínum, og kennarateymið leitar stöðugt nýrra leiða til að styðja ritun og málfræði í gegnum þessi verkefni. Kennarahópurinn var sammála um að það væri gríðarlega mikill tímasparnaður og öryggi sem fylgdi því að hafa aðgang að svo viðamiklu skipulagi sem þær geti treyst að standist kröfur. Þær tóku fram að þær upplifðu að verkefnin væru krefjandi en þær nýttu sér það til þess að efla hvor aðra sem fagmenn sem skilaði sér í metnaði til þess að setja sig inn í t.d. ljóðagerð og kveðskap! Ein mikilvægustu gæða einkenni teymiskennslu eru að kennarar lyfti hvort öðru upp og efli fagmennskuna - það er greinilega að eiga sér stað í þessu fyrirmyndar kennarateymi. Að sögn kennaranna hafa nemendur algjörlega blómstrað í skapandi vinnu með ritunarverkefni, þær njóta þess að fylgjast með þeim tjá sig á fjölbreyttan hátt og blása út af stolti af eigin verkefnum. Næstu skref hjá hópnum er að efla sig enn frekar í að veita nemendum endurgjöf og endurskipuleggja og samræma útfærslur á stílabókunum sjálfur og velja stærðir og gerðir við hæfi verkefnanna. Við fáum að heyra meira frá Naustaskólateyminu þegar þær koma í heimsókn í hlaðvarpsþáttinn okkar. Í mars kemur út ný sería af þáttum á hlaðvarpi Ásgarðs um menntamál þar sem lögð verður áhersla á gæðamál í menntakerfinu. Ritunarverkefnin - ársskipulag um ritun er aðgengilegur öllum kennurum hér fyrir yngsta, mið- og unglingastig Kristrún
